راحتك فى مسيحك
منتدى راحتك فى مسيحك ير حب بكم
فى ثوبه الجديد
انت غير مسجل فى النسخة الجديدة...سجل الان
وشارك معنا باحلى المواضيع واحلى الردود
وربنا يعوض تعب محبتكم

راحتك فى مسيحك

كُلُّ مَنْ سَأَلَكَ فَأَعْطِهِ، وَمَنْ أَخَذَ الَّذِي لَكَ فَلاَ تُطَالِبْهُ (إنجيل لوقا 6: 30)
 
الرئيسيةالبوابةالتسجيلدخول

شاطر | 
 

 مسرحية (صعوبات وتشكرات)

اذهب الى الأسفل 
كاتب الموضوعرسالة
mina gadalla 2
Admin
avatar

ذكر عدد الرسائل : 483
العمر : 32
الشفيع : البابا كيرلس السادس
تاريخ التسجيل : 02/12/2008

مُساهمةموضوع: مسرحية (صعوبات وتشكرات)   الأحد يناير 04, 2009 10:01 pm

المذيع\ اعزائى المشاهدين اهلا وسهلا بكم فى برنامجكم صعوبات وتشكرات
ودلوقتى مين فيكم يحب يشاركنا بموقف صعب مر بيه وشكر فيه ربنا
احد الاطفال \ ازاى ربنا بيحبنا ومرات مش بيدينا اللى احنا عايزينه
.فى مرة كنت محتاج فلوس وبابا قلى مش معايا وانا زعلت خالص
المذيع \ لكن انت شكرت ربنا فى الوقت ده
الطفل \ اشكره ازاى وبابا قلى انه مش معاه فلوس
المذيع \ اتفضل اقعد اتفضلى انتى (يتكلم مع طفلة اخرى
الطفله \ كان عندى صديقة بحبها خالص وفجاة سابت المرسة وراحت مدرسة تانى وبقيت انا لوحدى ,ربنا خلاها تروح مدرسة تانى ليه ,انا زعلانة خالص
المذيع \ اكيد فى سبب ياحبيبتى ,نعم اتفضل انت
طفل 3 \فى مرة كان جسمى سخن خالص ورحت للدكتور وادانى حقن وادوية كتير وانا مبحبش الحقن ولا الادوية وكنت متضايق من ربنا عشان خلاهم يدونى الحقن والدوا
المذيع \ هل شكرت ربنا فى مرضك
الطفل 3 \ معرفش وقتها اشكره على ايه ,انا كنت ببكى طول النهار
المذيع \ فى مواقف كتير ربنا بيسمح ان احنا نمر بيها واكيد بيكون وراها درس بنتعلمه ,والان
انتهى وقت البرنامج وهنجاوب على كل اسئلتكم الحلقة القادمة ان شاء الله
وشكرا ليكم


ياتى جدو ايوب
جدو ايوب \ استنى ..استنى من فضلك ,متنهيش البرنامج ,عندى كلام كتير مهم عايز اقوله
المذيع \ اتفضل ياجدو العزيز , ولكن ي... (ينظر فى الساعة
بس احنا مرتبطين بميعاد
جدو ايوب \ انا يا اولادى اكتر واحد شاف صعوبات فى الدنيا دى ولما عرفت انى النهاردة هيتذاع برنامج (صعوبات وتشكرات
قلت لازم اجى واشارك فى البرنامج
المذيع \ يمسك بلياقة القميص ويظهر تفاخره (فعلا انا برنامجى مشهور جدا
اتفضل ياجدو

جدو ايوب \ كنت اغنى واحد فى الارض اللى عشت فيها (ارض عوص
وكان عندى 3000 جمل و1000بقرة و500 حمار وخدام كتير اوووى
المذيع \ كل ده وكنت عايش لوحدك
جدو ايوب \ لا ......كان عندى 7 اولاد و3 بنات وفى يوم سمح ربنا ياخد منى كل ده مرة واحدة , الجمال والحمير والبقر والغنم وكل حاجة
المذيع \ ده صعب جدا ده اصعب حاجة سمعناها النهاردة
المهم انك انت واولادك بخير
جدو ايوب \ الحكاية لسه مخلصتش فى نفش الوقت ده جه واحد وقالى انى اولادى كلهم ماتو كانوا متجمعين فى بيت ابنى الكبير والبيت وقع عليهم وماتو كلهم
المذيع \ ده صعب خالص قصدى ربنا يكون فى عونك وعملت ايه
جدو ايوب \ لما عرفت كل الاخبار دى مرة واحدة زعلت وقطعت هدومى من الحزن وبعدين قلت لا انا عندى ايمان قوى بربنا سبحته وشكرته وقلت الرب اعطى الر اخذ فليكن اسم الرب مباركا اللى الابد
المذيع \ (فى تعجب شديد ) ممكن اسال حضرتك سؤال
جدو ايوب \ اتفضل
المذيع \ انت مين , انا معرفش حد حصل معاه كده غير واحد بس
,ينظر الى الاولاد هل عرفتموه
جدو ايوب \ ايوه انا ايوب وجيت النهاردة مخصوص عشان اقلكم كلكم انى فى الوقت اللى مريت فيه بالمشاكل دى كلها كنت بشكر ربنا عشان عندى ثقه بيه عشان انا بحبه وعارف انه هو كمان بيحبنى وعايز اقولكم انى الرب عوضنى باضعاف كل ماضاع منى
معلش عطلت البرنامج مع السلامة مع السلامة يا اولادى
المذيع \ دى فعلا احلى حلقة قدمتها فى حياتى
مع السلامة ياعم ايوب








الرجوع الى أعلى الصفحة اذهب الى الأسفل
http://ra7tkfemase7k.yoo7.com
 
مسرحية (صعوبات وتشكرات)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
راحتك فى مسيحك :: القسم الدينى :: قسم المسرح الكنسى :: نصوص المسرحيات-
انتقل الى: