راحتك فى مسيحك
منتدى راحتك فى مسيحك ير حب بكم
فى ثوبه الجديد
انت غير مسجل فى النسخة الجديدة...سجل الان
وشارك معنا باحلى المواضيع واحلى الردود
وربنا يعوض تعب محبتكم

راحتك فى مسيحك

كُلُّ مَنْ سَأَلَكَ فَأَعْطِهِ، وَمَنْ أَخَذَ الَّذِي لَكَ فَلاَ تُطَالِبْهُ (إنجيل لوقا 6: 30)
 
الرئيسيةالبوابةالتسجيلدخول

شاطر | 
 

 لو عايز نص مسرحى للأطفال

اذهب الى الأسفل 
كاتب الموضوعرسالة
mina gadalla 2
Admin
avatar

ذكر عدد الرسائل : 483
العمر : 31
الشفيع : البابا كيرلس السادس
تاريخ التسجيل : 02/12/2008

مُساهمةموضوع: لو عايز نص مسرحى للأطفال   السبت أبريل 25, 2009 4:39 pm

سلام المسيح ..

كتير مننا بيستسهل انه يطلب أو يدور على أى نص يقدمه وخلاص ..

لكن فى الموضوع ده هانتعلم ازاى نحط ايدينا على الطريق اللى بيه نكتب بايدينا نص

** أولاً : ليه مهم انك تكتب نص بايديك ؟!

1. لأنك أكتر واحد عارف احتياجات أطفالك
2. لأنك أكتر واحد عارف الألفاظ المفهومة والغير مفهومة ليهم
3. لأنك أكتر واحد عارف الخصائص العمرية وتميزهم فى أشياء
4. لأن الموضوع مش صعب ولا بيحتاج وقت كتير
5. لأنك مش هاتستخسر تدى كام ساعة لربنا
6. لأنك مرتب وقتك وبتستعد للحفلة قبلها بوقت كافى
7. لأن ممكن يبقى عندك موهبة جميلة وتكتشفها لما تجرب تكتب



** ثانياً : ازاى أفكر من البداية ؟!

اسأل نفسك كام سؤال وحُط قدامك اجاباتهم مكتوبين على ورق :

1. انت هاتخاطب سنة كام ؟؟! (أرجوك ماتخليش الموضوع مفتوح مثال ابتدائى .. لكن قول مثال: من حضانة لثانية)
2. ايه المشكلة اللى بتعانى منها فى أولادك فى المرحلة ديه ؟؟! (ادى وقت للتفكير وماتستسهلش .. مثال: الزَن، الكدب، عدم المحبة، الطاعة، عدم قبول الاصدقاء، . . . . )
3. ما هى امكانياتك فى المسرحية:
- عدد الماسكات او الجوانتى او الماريونيت وشخصياتهم (أولاد/ بنات/ كبار فى السن/ حيوانات)
- عدد الخدام اللى هايشتركوا معاك بالتمثيل الصوتى والحركى
- الديكور المُتاح ومكان العرض



** بكده انت وصلت لمعلومات مهمة جداً .. تعالى نتخيل لو جاوبت على الاسئلة ديه هايطلع لك ايه ؟!

1. من حضانة لثانية ابتدائى
2. الطاعة
3. عندى 3 ماسكات (بنت/ ولد/ أم)
هناك 4 خدام موجودين للمساعدة
هأعرض فى الكنيسة .. لا يوجد غير ديكور جنينة

بالتالى: هاعمل حكاية بين بنت وولد وأمهم / والموقف لابد انه يحدث فى الحديقة / غير مسموح بالجرى والحركة الكتير علشان فى الكنيسة / هاراعى فى النص الالفاظ اللى تناسب السن اللى اخترته



*** ازاى افكر فى الموقف اللى هايبين حتمية الطاعة ؟؟!

هاسأل نفسى سؤالين :

1. ايه موقف حقيقى بيحصل بيمثل عدم الطاعة بين الاطفال وااليهم ؟؟ (مثال: المذاكرة / اللعب فى الشقة/ ... )
2. هل عايز النص بتاعك يكون واقعى ولا خيالى ؟؟

بالتالى:
لما تحدد الموقف اللى هايحصل
بسهولة تقدر تخلى شخصية مطيعة والتانية غير مطيعة .. مع توجيه الأم هايصبح الغير مطيع أكثر طاعة تدريجياً
وبسهولة اوى تقدر تصيغ ده فى حوار

أما لو عاوز الموضوع خيالى شوية :
ممكن استخدام حيوانات
أو مكان مختلف زى الفضاء
أو حتى موقف مختلف كعالم الاحلام





بجد الموضوع مش صعب ..
ويستحق المحاولة




ربنا معاكم
الرجوع الى أعلى الصفحة اذهب الى الأسفل
http://ra7tkfemase7k.yoo7.com
 
لو عايز نص مسرحى للأطفال
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
راحتك فى مسيحك :: القسم الدينى :: قسم المسرح الكنسى-
انتقل الى: