للهيافة معنى

!!



في أحيان كثيرة يكون للهيافة معني ,

ولكي نتعرف علي معني الهيافة كان لنا هذا اللقاء .

*مساء الخير

* هئ هئ هئ مساء النور ,

*إيه لازمة هئ هئ هئ دي,

* لزوم الهيافة

*طب ممكن تعرفنا بنفسك

*أوي أوي أنا بلا فخرالهايف ابن الهايفة

* ما شاء الله ودا بيطلع إمته

* كل ما تحتاج للهيافة ,

*هيّ الهيافة بالطلب ؟

* لأ الهيافة علي قفا من يشيل بس المهم تكون عندك استعداد للهيافة .

*يعني إيه علي قفا مين يشيل ؟

*يعني الهيافة هي القاعدة والجد هو الاستثناء

*ما شاء الله دنتا هايف مثقف جدا

*وفيه في الدنيا هايف ما يعرفشي قيمة الهيافة ؟

*طب لو حبيت أعرف معني الهيافة

*لامؤاخذة تبق راجل هايف ,

*إيه اللي بتقولو ده ,

* أنا ما اقصدشي إهانتك ولكن علشان تعرف معني الهيافة لازم تيجي في الهايفة وتتصدر

* طب لو حبيت أعرَفها لغويا ؟

*هات يا سيدي كتاب قاموس المهيفة وابحث في باب التفاهة فصل المسخرة مع الهاء والفاء

*طيب إنت يا راجل يا هايف بتحب تسمع إيه ؟

* باحب اسمعك وانت بتغني الهايف يرفع إيده

*طب وحيرفع إيده ليه

*علشان تعرف إن مافيش حد مرفعشي إيده

*بس أنا ما رفعتش إيدي

*لمؤاخذة لأن زعيم الهيافة عيب لما يرفع إيده , كفاية يرفع صابعه

*طب لما انت شايف اننا كلنا هياف إمال فين الجادين ؟

*راحوا يتدربوا ع الهيافة

*إنت قليل الأدب , وأنا غلطت اني عملت معاك هذا اللقاء

*الهايف عمرو ما يبقي قليل الأدب لأن اللي مربيه ناس هايفين علي أعلي مستوي من الهيافة

*أنا شكلي مش حاخلص منك والظاهر إنك حتوجع قلبي

*مفيش هايف قلبه بيوجعه

*يظهر أنا غلطت لما عملت معاك هذا اللقاء

*بالعكس دانا اللي غلطت إن وافقتك

*ليه لا مؤاخذة

*لأنك مش من مستوايا

*الراجل الهايف لازم يثبت هيافته وقت اللزوم

*بس أنا هايف علي طول مش وقت اللزوم

*طب تعرف تسمعني أغنية هئّة يا بئّة ؟ (بس دا بيني وبينك خارج الهوي )

*هئ هئ هئ دنتا طلعت أستاذ الهيافة , ومكسوف م الهوي ليه ؟ دنتا لو نزلت الشارع حتلاقي الكل بيرقص ع الهئَة

*تصوريا هايف أنا دالوقتي بس عرفت قيمة الهيافة

*ما أجمل أن تكون مستهيفا طول الوقت