عزيزي الصاحي اذا كنت تعاني من أرق لأي سبب و حاقد على واحد نايم او اذا طق فيوز النذاله فجأه عندك أو عرق
الرذالة بيوجعك وقدامك واحد نايم كأي بطيخة تحترم نفسها
ماعليك الا ان تتبع الخطوات التاليه
وصدقني ممكن يقتلك بس انت جرب وعلى ضمانتى
ويلا بينا نبدأ الرخامه
1) اذا كان في عز نومه وانت مانمتش أو مش جايلك نوم ادخل الغرفه وشغل النوووور
واطلع بمنتهي البرود كأنك لم تفعل شيء.
إذا كان نومه خفيف هايصحي ويقولك ( إطفي النور يا **) طبعا
إحنا إتفقنا إنك بارد لذلك
لا تعره أي إهتمام و تذكر القانون الأول لنيوتن في التنفيض
" لكل فعل له تنفيضة مساوية له في المقدار و مضادة له في الإتجاة " .
أما لو كان نومه تقيل يبقي تستعمل الطريقة رقم 2
إكتشف إن في بيتكم سرير وعايز تتأكد إن كل حاجه تمام و إن السرير
رجليه مظبوطة طبعا دا السرير إللي أخينا نايم عليه ويمكنك ساعتها القيام بالكثير من التخبيط و الدق وتحريك
السرير ولكن إنتبه فقد يصحو من النوم فيجدك تحت
السرير او رأسك في متناول يده فلا أحد يعلم ساعتها ماذا يمكن أن يحدث
لو كان من هواة النوم وبجوارهم مفتاح إنجليزي .. لذلك أنصحك أن تهز السرير هزات عنيفة حتي يستيقظ وقبل
يفيق تماما أركض بأقصي سرعة خليك ناصح
3) اذا كنت مقهــــــــور من واااحد ناايم العصر او الظهر أدخل الغرفه
وغطيه كويس و إقفل المكيف واطلع ولا تنسى أن
تغلق الأبواب والنوافذ
واذا كانت في دفايه بالغرفه , ياعيني هو دة اللى احنا عايزينو شغلها بقي علي أسخن حاجة وسيبه
واطلع بره كأنك لا تعرف عن الأمر شيء .
لسه ما قامش ؟؟ اوعى تيأس
4) لو كان لسه ماقامش !!! ماتعملش حاجة من اللي سبق ذكره إنما بهدوء
حط ايدك على الراديو وشغل محطه خرباااانه
و يا حبذا لو كانت بتاعت أغاني هابطة من نوعية ( حبيبي فوق حبيبي تحت حبيبي رايح حبيبي جاي ) وعلي الصوووت على الآخر
و امشي إنت كمل مشاهدة التليفزيون .
5) اذا كان لسه نايم وانت شبعااان نوووم بس عايز تتونس:
جيب ماء باااارد وقرب من النايم وقطر على جبهته قطره قطرة هايترعش
ويمسح جبهته فاكرها نمله ولا حاجة .
واقعد كده لحد ما يصحي أو يقوم يرزعك قلم محترم علي وشك ويكمل نوم ( احنا قولنا ممكن تكون فى اصابات )
6 ) خذ منديل ولفه لحد ما يبقي على شكل العود... الغرض ان يكون نهاية
طرفه حاد ..
وبس يا معلم .. أخينا رأسه أصبحت ملعبا وأنت الهداف
ممكن تحطها في ودنه ( الحركة دي مستفزة جدا على فكرة)
ممكن تحطها في فمه
ممكن تحطها في أنفه بس مش لجوة أوي يعني متبقاش مقرف
لو صحي يبقي إحتمال إنه يفرجك علي عنبر الكسور في أي مستشفي قريب من بيتكم
واذا مانجحتش كافه الطرق اللي فوق... تأكد انه مش آدمي . . خليه نايم
واطلع بدل ما يجيلك شلل نصفي
الثلاثاء فبراير 03, 2009 2:35 pm
